珍寶蟹海鮮Shake Shake袋
尖沙咀嘅新奧爾良菜餐廳The Captain's House原來喺灣仔開咗新店Mr. Crab，以蟹作主打。新店比主店更大，樓高兩層，由地下通往二樓嘅牆同上到二樓，可以見到唔同嘅海洋裝飾，仲有三層魚缸，好有海鮮舫feel。新店無論喺牆上、餐枱紙、餐巾等，處處可以見到可愛蟹仔logo的踪影。
此店除咗海鮮Shake Shake袋外，仲有其他唔同海鮮菜式，店員向我地推薦新鮮生蠔，當晚有Pacific Rock、K.Y.S同Majestic，我地每樣小試一隻。Pacific Rock係美國蠔，口感creamy，味道鮮甜，K.Y.S同Majestic係法國蠔，蠔味較濃，海水味重。當晚所有蠔都非常新鮮，可以連檸檬汁都唔須要落，連蠔水一齊滑入口中，蠔味久久不散。
飲品叫咗無酒精mocktail，peach on the beach薄荷葉加桃汁同薑汁汽水，清新薄荷味少甜，配上之後嘅秘製辣汁海鮮好解渴解辣。
好鍾意香濃番茄味嘅所有食品，連食薯條都係為咗點大量茄汁，所以一見到有血腥瑪莉雞尾蝦就點。雞尾蝦味道清爽，重中之重係血腥瑪莉，平日自己食會落幾滴辣椒仔喺茄汁中，餐廳除此之外，仲加咗西芹、細香蔥同刁草，味道更加幽香。
以前喺洛杉磯食咗唔少dungeness crab，喺華人超市有售，一隻有兩三磅，肉多殼軟，肉質鮮甜，通常都係清蒸。Mr. Crab嘅海鮮Shake Shake袋最少自選三款海鮮同一款醬汁，其他配菜如薯仔、粟米、德國豬肉香腸會加入其中，放入Shake Shake袋，充份混合醬汁同食材然後開袋享用。Dungeness crab餐廳譯作珍寶蟹，有兩磅重，蟹腳好粗有好多肉，食味同以前食過嘅一樣咁鮮甜，食蟹餐具好齊全，仲有即棄圍巾，可以食盡每一分肉。食完蟹之後，其他海鮮如小龍蝦、八爪魚仔同青口浸滿秘製辣汁cajun sauce，鮮甜味加上香辣味，令人無法抗拒。配菜一啲都唔輸蝕，新薯肉質黏中帶爽、粟米甜美多汁、豬肉腸肉汁豐富又彈牙。
餐牌有focaccia可以另加，focaccia喺製作過程中加入橄欖油同香草提味，所以麵包本身就有味道。Focaccia切成細件，面底香脆，可以點秘製辣汁或淨食。
除咗海鮮之外，餐牌仲有其他肉類主菜，法式油封鴨脾就吸引著我。鴨脾皮脆肉嫩，鴨皮有少少油脂令鴨肉帶有香酥味。原個焗蒜頭可以用叉叉出一粒粒蒜肉，蒜肉香軟，伴鴨脾可減低肥膩感，其他配菜如露荀、紅蘿蔔、燈籠椒、脆瓜、菇片同新薯等經過烤焗，香甜味軟，令整個菜式更加豐富。
此店除咗海鮮Shake Shake袋外，仲有其他唔同海鮮菜式，店員向我地推薦新鮮生蠔，當晚有Pacific Rock、K.Y.S同Majestic，我地每樣小試一隻。Pacific Rock係美國蠔，口感creamy，味道鮮甜，K.Y.S同Majestic係法國蠔，蠔味較濃，海水味重。當晚所有蠔都非常新鮮，可以連檸檬汁都唔須要落，連蠔水一齊滑入口中，蠔味久久不散。
飲品叫咗無酒精mocktail，peach on the beach薄荷葉加桃汁同薑汁汽水，清新薄荷味少甜，配上之後嘅秘製辣汁海鮮好解渴解辣。
好鍾意香濃番茄味嘅所有食品，連食薯條都係為咗點大量茄汁，所以一見到有血腥瑪莉雞尾蝦就點。雞尾蝦味道清爽，重中之重係血腥瑪莉，平日自己食會落幾滴辣椒仔喺茄汁中，餐廳除此之外，仲加咗西芹、細香蔥同刁草，味道更加幽香。
以前喺洛杉磯食咗唔少dungeness crab，喺華人超市有售，一隻有兩三磅，肉多殼軟，肉質鮮甜，通常都係清蒸。Mr. Crab嘅海鮮Shake Shake袋最少自選三款海鮮同一款醬汁，其他配菜如薯仔、粟米、德國豬肉香腸會加入其中，放入Shake Shake袋，充份混合醬汁同食材然後開袋享用。Dungeness crab餐廳譯作珍寶蟹，有兩磅重，蟹腳好粗有好多肉，食味同以前食過嘅一樣咁鮮甜，食蟹餐具好齊全，仲有即棄圍巾，可以食盡每一分肉。食完蟹之後，其他海鮮如小龍蝦、八爪魚仔同青口浸滿秘製辣汁cajun sauce，鮮甜味加上香辣味，令人無法抗拒。配菜一啲都唔輸蝕，新薯肉質黏中帶爽、粟米甜美多汁、豬肉腸肉汁豐富又彈牙。
除咗海鮮之外，餐牌仲有其他肉類主菜，法式油封鴨脾就吸引著我。鴨脾皮脆肉嫩，鴨皮有少少油脂令鴨肉帶有香酥味。原個焗蒜頭可以用叉叉出一粒粒蒜肉，蒜肉香軟，伴鴨脾可減低肥膩感，其他配菜如露荀、紅蘿蔔、燈籠椒、脆瓜、菇片同新薯等經過烤焗，香甜味軟，令整個菜式更加豐富。
留言
發佈留言