落雨天食烏雲軟雪糕

呢幾日天天都是下雨天，好需要甜食嚟打打氣。行開尖沙咀，記得有間韓式甜品店L'attitude，雪糕頂上一大舊棉花糖，呃like之選。雖然自己唔係小妹妹，不過
甜食就無論咩年紀都啱食，一於入店打卡。


由於未食晚飯，先叫意粉打打底。店內意粉款式選擇不多，五款中選擇比較人氣的兩款。夢幻溫泉蛋卡邦尼意粉，粉紅色的意粉顏色好少女，十分切合餐廳氣氛，篤穿溫泉蛋蛋黃拌上煙肉片，鹹香軟滑食味也不錯。

羽衣甘藍被譽為超級食物，蘊含豐富抗氧化物質同營養素，多用來製作沙律或蔬菜汁，混入意粉比較少見。此意粉羽衣甘藍份量不算少，青綠色同帶子顏色味道好夾，帶子輕輕煎過，刺身級質素，肉質鮮甜嫩滑。

星空系列的洛杉磯乃藍蝶花加蜂蜜檸檬，藍蝶花本身無甚味道，主要靠蜂蜜檸檬帶出酸甜味，飲品內有發光冰粒同用上發光杯墊，閃閃生光，影照到藍色的藍蝶花與黃色的蜂蜜檸檬交疊出迷幻紫色。

烏雲軟雪糕上的烏雲乃墨汁染色的棉花糖，甜味很輕。下面牛奶軟雪糕牛奶味香濃軟滑，加上少少爆炸糖卜卜脆好過癮。