觀塘健康小清新

Aster Cafe位於港貿中心，由apm行天橋過去唔使一分鐘，但價錢比apm食肆平好多，而且強調無加味精，有時食得濃味嘢多都想轉轉口味。

晚餐餐牌十分簡單，一版睇晒，另有每日精選寫喺黑板上。

是日餐湯係磨菇湯，上枱時熱度十足，飲到粒粒磨菇碎，加上少少胡椒粒就更加香濃。

德國咸豬手用炆的形式炮製，豬手肉已開成一片片但又未至於斷開，進食時十分容易切斷。咸豬手並不肥膩，甚至有少少略瘦。豬手下放上很多雜菜，伴飯亦有不少紅米，貫徹餐廳宗旨供應健康食品。

另一主菜香煎雞胸扒磨菇配香草汁雞胸煎得十分出色，完全唔覺嚡口，加上香草汁同多汁磨菇，甚為美味。

甜品藍莓芝士餅份量較小，藍莓同芝士味都不太濃，喜歡食濃味芝士餅如我覺得較為淡口。

餐飲半價改為無花果香蕉汁，此汁香蕉味甚重，相信應該無加任何糖份，十分健康。

另一飲品芒果乳酪比一般印度餐廳的少甜，芒果乳酪味足。
 
餐廳由樓面到廚房都係全女班，相信都係希望提供健康食物以供食客享用。