美式美食與美酒

觀塘的Moreish & Malt經營美式菜，同時兼賣美酒，晚上時候喺漆黑的鴻圖道下顯得很光亮。不少一家大細來光顧，爸爸媽媽喝著啤酒而小朋友則食著兒童餐，很有興的一幅構圖，如果換轉蘭桂芳較少有這樣的情景。

餐牌有不少墨西哥小食，墨西哥與美國相鄰，喺美國食到正宗的墨西哥菜不足為奇。飲品方面，除咗紅酒白酒啤酒外，亦有cocktail同mocktail，可以各式其式。

未叫任何食物飲品前已上香草麵包，麵包上有番茄乾，淨食鬆軟有淡淡的香草味。

當晚想飲少少酒，叫咗杯Chilled Sangria，此酒酒精成份甚低，加上很多雜果粒粒甜甜的很易喝，只要控制份量絕不會酒精上腦。

叫酒當然要小食相伴，水牛城雞翼大大隻很有肉地，入口辣中帶酸，味道很有層次，不會只有辣味。雞翼旁有藍芝士醬點食，不過個人覺得水牛城雞翼味道已很濃烈，藍芝士醬味道亦很霸道，唔點醬較為好。

牛油果三文魚籽蟹肉脆餅上面堆滿三文魚籽及蟹肉，底下有牛油果粒，脆餅厚薄適中。此小食味道甜美，大人小朋友都會喜歡。

墨西哥芝士雞肉洋蔥餡餅少不了墨西哥特色的三色醬，有酸忌廉、番茄沙沙同牛油果醬。三種醬都十分喜歡，淨食亦無不可。雞肉餡餅咸香可口，點唔點醬都唔會影響食味。

經典自家製牛肉漢堡比一般的更鬆軟更多汁，漢堡扒入口即溶，相信廚師下咗唔少功夫喺漢堡扒上。炸薯條比一般略粗，新鮮熱辣，用嚟點之前的酸忌廉味道都幾match。

觀塘美式美食與美酒，會有再回頭的機會。