甜入心的窩心小店

老公係大細路，耐唔耐就話要去深水埗睇玩具，玩具包括模型、電腦、電話配件，睇呢類玩具我興趣一般，雖則我都係做呢行。但深水埗有好多美食小店，有得食個人即刻精神起來，今次睇模型發現甜入心原來就喺附近，大熱天時食番個凍甜品透心涼。

見到海報話長者同傷殘人士可以用12蚊享用特選甜品，深水埗係全港人均收入最低嘅地區，小店真係好有心。

入到店內見到有免費英式果茶同朱古力噴泉，份量雖然唔多，總算對客人有心思。

椰皇子係甜入心嘅人氣甜品，一場嚟到必試，見到有自家製黑松露雪糕椰皇子，黑松露雪糕黑松露味道好濃好香，估唔到黑松露同雪糕味道又幾夾。椰皇子入面有用椰青水做嘅啫喱同椰汁，椰青啫喱味道清甜，食完椰青啫喱仲可以食埋椰皇入面嘅椰青肉。

另一甜品西瓜中豆花你夏日供應甜品，雲呢拿雪糕下面有粒粒爆珠，西瓜肉做嘅紅色豆花甚少見，食落好似食緊西瓜肉，另外西瓜入面仲有好多西瓜肉，食食吓已經好飽。

窩心小店用心做甜品值得支持!