原本一心想食刨冰，發現另有驚喜

Bingo & Cook嘅原個蜜瓜刨冰賣相好吸引，本來一心訂枱想食，去到餐廳發現雖然牆上依然有相，但餐牌已冇供應。既然已經嚟到又有望窗卡位，當然照食可也!


見到每枱都叫炸雞同煎餅，為免熱氣改叫烤雞同烤牛肉韮菜餅，另加刀削麵。

飲品藍莓奶昔有好多藍莓果肉，奶昔亦酸甜味道適中，柚子沙冰味道同柚子茶差不多，味道比奶昔清。


未上烤雞前先上已調味沙律菜，亦有切條已醃紅菜頭，味道酸酸甜甜好開胃。


原味烤雞帶有少少辣味，上面舖上芝士，雞肉入口熱辣嫩滑，仲有配菜薯仔蛋同粟米。

海鮮刀削麵用石鍋上，入面有好多海鮮如蜆、青口、魷魚、蝦仁等，刀削麵粗幼不一，質感煙韌。

 

烤牛肉韮菜餅粉槳唔多，大部份都係韮菜，韮菜烤過後十分香口，加上少少牛肉釣味，韮菜餅份量雖多都全部食光。