韓西Fusion菜

姊妹介紹韓西Fusion菜餐廳Chum Chum味，開業已有數年，位於赫德道隆堡麗景酒店旁邊的一條小巷內，有室內同室外坐位，滿有在首爾街頭的風味。



平日夜晚與姊妹到來，有不少韓籍客人，相信菜式應該做得很地道才能吸引當地人前來光顧。

餐牌選擇很多，有韓燒又有前菜小食炸雞燒魚鍋物湯品湯麵飯粥，睇得眼花撩亂。姊妹想食簡單又唔熱氣食物，結果叫咗八爪魚沙律、韓式芝士蕃茄蛋卷同蟹肉雜菜粥。

韓餐總會有開胃前菜，泡菜酸辣發酵度剛好，大豆芽帶有一種芥末味，很特別亦很美味。

八爪魚沙律中的八爪魚已切碎，乾乾的好像烤過。沙律除咗沙律菜外仲有藍莓、士多啤梨同橙等生果。沙律汁調味不錯，酸酸甜甜好開胃。

韓式芝士蕃茄蛋卷加上大量茄蓉食落唔會覺得漏，蛋卷厚身中間有少少已溶化芝士，係我心目中的Comfort Food，簡單便宜，方便易做，開懷大吃，有種令人充實的感覺。

韓式粥品比中式粥杰身，猶如稀飯一般，蟹肉雜菜粥有兩件蟹身，食味比較清淡，粥帶有少許鮮甜味，送前菜泡菜大豆芽最佳。

眼見不少客人都飲番兩杯，狀甚寫意輕鬆。