工業風定價相宜餐廳

彌敦道近油麻地段新開譽發廣場有好幾層做食肆, 樓下甚多阿姐派紙加易拉架宣傳, 睇見宣傳Eat Me主菜價錢唔過百元平平地試得過.

平日晚上差不多全滿, 比想像中多人. 餐廳裝修簡約, 帶點工業風.

兩個人簡單叫兩個主菜轉餐, 另加一壺花茶共享.



餐湯似係忌廉菠菜湯, 不過味道甚淡, 喝不出任何味道.

雜菜沙律有咸香火腿及沙律醬提味就好食得多, 沙律菜尚算新鮮爽脆.

北海道帶子扒虎蝦墨魚汁意大利飯飯量頗大, 意大利飯雖然比較諗身, 但有墨魚汁及芝士提味下, 加上虎蝦帶有蝦膏, 78蚊確實平宜.

黑松露芝士牛肉漢堡則帶來驚喜, 漢堡牛肉厚身鬆軟有牛肉味, 巴馬芝士蕃茄火箭菜恰如其份, 竹碳包外表黑漆漆賣相頗佳, 雖則食不到黑松露味道, 售價百元以下尚可一止食高質漢堡包欲望.

爆紅藍蝶花茶估唔到喺工業風餐廳都可以飲到, 藍蝶花茶顏色藍藍紫紫, 看似難以入口, 其實味道只有丁點甜味, 又沖出一大壺, 足夠兩個人慢慢享用.