西班牙小食形式的京川菜

從網上得知灣仔有京川菜館以西班牙小食形式上菜，讓食客可以多嘗唔同種類嘅京川菜式。此形式最適合招呼外國朋友，剛巧有朋友從外國返港，擇日與老公及友人於餐廳相聚。

餐廳裝修有濃濃的外國人眼中的中國風，安坐後即送上welcome drink，可選擇有酒精或冇酒精，茶底一樣係玫瑰花茶，我飲果杯係有酒精，帶有米酒香味，小小的作為welcome drink很合適。
 
 


餐牌種類繁多，經理建議先點選飲品及前菜，享用完再慢慢揀選主菜。


中式雞尾酒以單字命名，以西式做法，混合上富有中國特色的材料如花雕、米酒、汾酒等，酒精濃度不算高，加上果汁後很易入口。






七里香醉乳鴿以乳鴿入饌比較少見，乳鴿比雞更少脂肪，食味更清，肉質更加嫩滑。

水晶翅好似將高湯濃縮成糕品，內有一絲絲魚翅，製法很特別。


麻辣魚肚絲食味很爽口，與平日燴至入味的諗滑口感很不同，魚肚絲麻辣味十分重，愛食辣的老公食得滿頭大汗大呼過癮。

京城拌三鮮有蝦球、海參、帶子同海蜇，蝦球除爽口外仲鮮味十足，此道菜加上麻油提鮮味道清新。

到主菜部分，回鍋黑豚肉肥瘦適中，醬汁濃厚，送飯最佳。

辣子雞丁先用油炸至乾身再落鑊炒香，此菜因減辣關係辣味不濃，濃油赤醬送飯最好。

海膽賽螃蟹炒蛋白外加入絲絲蟹肉、蟹子及海膽，比平日食到的賽螃蟹更重海鮮味。

麻辣海參蝦仁雞粒燴飯好特別，首先以水煮膽炒海參蝦仁雞粒再燴飯，同食水煮菜式辣度冇分別，老公十分愛吃全部食光，佢十分欣賞此道菜，話從未食過燴飯有此麻辣度。

汁不流燒二冬冬菇冬筍炆得十分入味，冬菇厚滑冬筍爽甜冇渣，材料好就點整都會好食。

此時其實每人都食到好飽，但食京川菜總想食小籠包，就叫上一客一人一隻。灌湯小籠包皮薄肉汁湯汁適中。

 經理介紹糖水由西環源記入貨，既然如此，就叫杏仁露核桃露各一碗。碗匙寫上萬壽無彊，古色古香，杏仁露核桃露比較稀身，帶有點點清香味，入口亦見順滑。