拉麵以外有更多選擇

東京築地拉麵屬旺角平價日式食物選擇, 除拉麵外, 仲有丼飯同串燒. 價錢全部百元以下, 幾百蚊已經可以食得好豪吓.

是日同友人聚舊, 選擇咗雅蘭地庫嘅東京築地拉麵, 餐廳裝修刻意帶有日式懷舊風.


友人對拉麵興趣一般, 反而鍾意食串燒. 為咗遷就友人, 刻意唔選擇拉麵.

本來想點一客燒鯛魚, 可惜是日冇供應!

燒巨虎蝦果然係巨型虎蝦, 虎蝦蝦肉結實彈牙, 帶有燒烤香味.

蒜香燒帆立貝皇冇燒得過火, 貝肉依然嫩滑. 貝肉已預先切開細塊, 加上特多蒜蓉香蔥, 十分惹味.

吉列廣島蠔蠔汁依然保存到又有蠔味, 34蚊有四隻算是不錯.

三文魚刺身五塊新鮮厚切, 相比其他熱食, 三文魚刺身好似普通了一點.

泡菜餃子雞翼雞翼已去骨再釀入泡菜豬肉, 脹卜卜外型十分吸引, 食落味道亦十分豐富.

12吋特長串燒外型霸氣十足, 牛肉粒柔軟有油脂香味, 與京蔥香辣清爽非常匹配.

燒牛油粟米食唔到牛油味, 粟米亦甜味不足.

燒菠蘿尚算清甜多汁, 不過份量較少.

築地牛丼與平日牛丼大不同, 用上牛腩粒炆淋, 有點似中式炆牛腩. 醬汁味道非常濃郁, 兩個人share食再加其他食物比較好.

青檸冷稻亭用上大量青檸片放上面, 清新酸香, 稻亭烏冬配上少量木魚片同食煙軔彈牙.

紀州梅子冰飲到真梅子味, 酸酸甜甜配串燒飲真的不錯.

今餐兩個人大吃大喝都只係五大百元, 十分化算.