滋味石鍋湯

上星期剛從首爾返港. 首爾天氣忽然變冷, 跌至零度左右. 在天寒地凍之下, 無意中發現石鍋小店, 薯仔排骨湯同韓式豆腐湯都唔錯. 返到香港都想回味吓.

首爾家有石鍋湯供應, 就襯天氣轉涼的一個晚上回味一下.

首爾家位置偏離銅鑼灣旺區, 加上喺樓上, 平日晚上客人不多, 可以靜靜享用晚餐.

餐廳韓式小店格局, 設有矮屏風私隱度高.


韓餐必備前菜有六小碟, 除大路泡菜外, 尚有大豆芽、薯仔、魚乾、翠玉瓜等, 每樣都做得剛好.


韓式純豆腐湯配上白飯, 軟豆腐滑溜. 韓式辣湯尚有其他雜錦海鮮如蝦、魷魚、蜆肉等, 辣湯帶有鮮味, 模仿韓國人一口湯一口白飯也不錯.

炆牛肋骨上時非常滾燙, 牛肋骨炆得很淋身, 一咬即開, 紅蘿蔔白蘿蔔炆得十分入味, 湯底用上紅棗, 帶有甜甜的味道, 秋冬食用十分滋補.

辣炒年糕味道不辣, 韓式年糕帶點硬, 始終不及喺韓國食用的煙軔.

韓式炒粉絲粉絲質地爽滑, 條條分明, 加上麻油香味沒有不好吃的理由.

韓式梅子茶第一次飲用, 同日式相比, 韓式帶有更多甜味, 似乎韓國人都喜歡甜甜辣辣的味道.