邊睇英超, 邊享美式美食

彌敦左岸地下酒吧區同二樓用餐區都可睇英超直播, 咁當然酒吧區氣氛會好好多. 用餐區用靜音模式, 有畫面冇聲, 如果有少少聲會睇得更投入.

叫咗三款食物可以用手邊睇邊食.

串燒拼盤好豐富, 西班牙黑毛豬腩半肥瘦, 肉質嫩滑, 燒後油脂香味四射.

澳洲和牛串有少少根, 要用點牙力咬開.

燒雞翼虎蝦一定冇得輸.

炸薯條外脆內軟點茄汁一流.

美式煙燻醬燒西班牙黑毛豬肋骨肉唔係咁多, 骨多肉少, 不過煙燻醬非常入味, 食味不錯.

Margarita Pizza薄底脆邊餡多, 用咗mozzarella同parmesan兩款芝士, 蕃茄多汁, 羅勒幽香, 經典配搭百吃不厭.