旺角另一酒吧街

一提起旺角酒吧街, 通常第一時間諗起旺角警署旁邊的西洋菜北街, 其實旺角仲有另一條酒吧街喺太平道, 位於旺角邊沿位置.

之前去過Mini Club位於銅鑼灣另一分店, 旺角店冇咗粉紅色倒轉巴黎鐵塔裝飾, 但其他如食物飲品都一樣.

 

酒吧每人收十蚊就有無限量花生嘅供應, 叫咗杯cocktail送花生. Sea Smile入面用青蘋果、‪奇異果、‪檸檬汁同桃再加酒溝成, 生果味重, 冇乜酒味, 容易入口.

Mini Club另一最吸引就係個海鮮拼盤, 叫一客同朋友分嚟食.

海鮮拼盤有好多款海鮮, 包括有波士頓龍蝦半隻、‪‎麵包蟹‬半隻、‪藍青口‬三隻、‪翡翠螺四隻、‪鮑魚兩隻同玫瑰蝦兩隻. 麵包蟹蓋有好多蟹膏, 掛著食都唔記得影相. 蟹肉尚算鮮甜.

波士頓龍蝦個鉗比蝦身仲多肉, 食落都好鮮甜.

藍青口鮮甜冇渣. 翡翠螺件頭大肉質爽口.
 
鮑魚好似磯煮鮑魚咁入口軟諗入味.

玫瑰蝦件頭大肉質粉嫩鮮甜.
 
其他小食韓式醬燒安格斯牛柳粒半肥瘦, 唔點辣醬都非常夠味, 有紫菜條裝飾感覺健康啲.
 
香芒烤雞薄餅厚底但勁香脆, 直頭好似餅乾或焗麵包粒咁鬆脆, 薄餅有好厚芝士.
 
放工後嚟Happy Hour好方便旺角返工嘅朋友.