老字號泰菜館

金蘭花剛開業時已經幫襯, 轉眼間已有二十年. 以前幫襯多數食午市套餐, 幾十蚊就有青咖哩拌飯, 飽肚又惹味.

偶然到九龍城都會經過其門口, 不過沒有很大意欲入內.

老公早前提起, 想想都想再次光顧懷緬一下, 就相約放工後食泰菜.

金蘭花依然係分開兩間地舖, 不收加一小費.

鮮蝦冬蔭公湯加咗椰汁, 顏色加入白色後較淺色. 湯味唔係好辣, 湯入面有好多草菇, 有咬口又豐富啲.

九層塔香茅泰汁炒花甲, 泰汁夠辣, 花甲有肉, 九層塔香茅好香, 成個菜配搭不錯.

咖哩炒蟹唔係時價, 而係定價269, 咖哩汁入面有大量蛋絲, 香甜軟滑, 送白飯一流. 蟹有足一隻份量, 輕輕走過油, 蟹肉嫩滑鮮甜有肉地. 配菜青椒洋蔥依然鮮脆, 唔會煮得太耐變諗.

食泰菜必叫青木瓜沙律, 惹味的青木瓜沙律會令人越食越想食. 今次青木瓜沙律沒有鹹蟹, 略欠風味, 青木瓜亦不太入味, 要摏耐一點, 加多一點酸辣才夠味.