放題價錢, 更好質素

同大部份香港人一樣, 耐唔耐就想食刺身, 不過上等刺身價錢唔平, 下價刺身食完又驚肚瀉. 中價又有質素就最好, 可以當飯堂咁食. 七福神位於佐敦, 租金平價錢都比一線舖平, 直情可以做飯堂.

八品刺身盛合有七種刺身各厚切成三件加半板海膽, 用紫蘇菜放在每種刺身下面, 既美觀又衛生. 三文魚油甘魚帶子油潤有光澤, 肉質鮮甜味美, 海膽尚算新鮮.


蟹籽沙律細份已經好大碗, 沙律醬份量剛好, 混上青瓜絲甜甜地又清爽.

芝麻雞翼新鮮炸好實會香口好食.

清酒煮海蜆海蜆大隻鮮甜, 清酒湯入面有辣椒碎淨飲都幾辣吓.

芝士焗天火蠔用芝士煙肉同焗, 生蠔大隻肥美有肉地, 比一般放題質素好好多.

菠蘿蘋果雪芭兩種雪芭雪得好凍好實要放耐少少先食到, 比較鍾意蘋果雪芭的香甜, 菠蘿雪芭味道較淡.