寫意優閒weekend brunch

大坑位處銅鑼灣天后附近，但感覺與其餘兩區截然不同。傳統住宅區，舊樓樓宇不高，除了有不少舊式茶餐廳外，亦有不少走優閒路線的新式小店。

路經華倫街見到此餐牌架，很簡單，只有寫著梳乎厘奄列，兩張相片，一張為小龍蝦奄列，另一張為煙三文魚奄列。奄列食得多，但梳乎厘奄列未曾試過，食過梳乎厘班戟很喜歡，很想試試梳乎厘奄列。

小店面積不大，但亦分有室外及室內用餐區。大熱天時用餐實在難以抵抗猛烈陽光，就算室外環境較優美亦只好躲進室內。

除了梳乎厘奄列外，亦有數款意粉提供，看看隔離枱的意粉賣相不錯，就每樣叫上一客。

魷魚海鮮扁意粉

此碟最吸引為軟硬適中，爽口彈牙，味道香濃的扁意粉。細碎的洋蔥粒與大量香草碎很惹味，魷魚圈亦煙韌彈牙，鮮味略遜。

小龍蝦梳乎厘奄列

梳乎厘奄列食味就好比梳乎厘班戟，很輕柔鬆軟，但質感更輕，全無飽滯感。小龍蝦加上蛋黃醬入口鮮甜美味。沙律菜拌上黑醋汁清新爽脆，份量不少。此奄列實在係最合適早午餐之選。

檸檬迷迭香梳打

奄列或意粉餐均奉上自家製的檸檬迷迭香梳打，檸檬與迷迭香份量不少，味道很清新甜美，喝一口暑氣全消。