沖繩石垣牛專門店 - 平有平食

港人最熟悉嘅日本牛一定係神戶牛，之前同老公去大阪旅行都特地搭車去神戶食咗一餐神戶牛柳。除神戶牛外，沖繩石垣牛亦大有名氣。友人告知沖繩Steak House 88最近喺香港開咗分店，牛迷終於可以喺香港都可以食到沖繩石垣牛。

和牛88店舖不太，最入有三張榻榻米坐位，設有房門，自成一國。客人亦以日藉上班一族為主，有濃濃的居酒屋氣氛。


現時於和牛88 Facebook專頁讚好即可獲贈飲品一杯，我揀咗殘波梅酒而友人選擇梅酒梳打。殘波梅酒產自沖繩，完全成熟的南高梅呈現金黃色，果香濃郁。


薄燒和牛壽司

店員於客人面前以火槍將一大片油脂分佈平均的薄和牛燒成要求的生熟程度，火燒和牛所產生的肉香味撲面而來，和牛肉質入口即溶，非常嫩滑，果真是色香味俱全，極力推介的一道菜式！

和牛海膽三文魚子細卷

和牛、海膽與三文魚子本身的味道都十分強烈，估唔到三種食材一齊食味道係咁夾，和牛、海膽與三文魚子的味道都清楚嗜到，異常鮮味。

關西風汁煮牛筋

此菜式有點似中式炆碎牛腩，肉質細碎軟滑，味道香濃，配飯送酒一流。

法式焗洋蔥湯

以牛骨湯做湯底，加上大量的洋蔥將鮮甜味迫出，湯面的芝士增添鹹香惹味。麵包塊吸滿洋蔥湯的甜味，雖然入口略腍亦不錯。

和牛拖羅生雞蛋拌飯

生和牛碎與大量生蔥、生雞蛋、芥末、豉油拌起來，與蔥吞拿魚蓉相比，幾可亂真。食上一碗和牛拖羅生雞蛋拌飯，滿足飽肚。

和牛蘑菇炒飯

友人不太愛生食，就叫上此炒飯。和牛略燒香嫩細滑，蘑菇蒜粒炒飯不太油，香口飽肚又暖胃。

今餐約六百大元就可以試到六款和牛菜式，其實食和牛都可以平有平食！