將軍澳中心 - The Point

將軍澳中心商場可以話睇住佢裝修，睇住佢重開。等咗一年半，商場終於裝修好其中一部份。新開商店大部份為食肆，其中對The Point特別有印象，因為店舖位置本來係分開兩間，行人路分開咗室內同室外。

星期六夜晚六點幾已經去攞位，因為知道七點後要排隊等位。從舖頭名稱可以估到餐廳主打薄餅及意粉。


呢幅內牆特別有印象，記得未開張前有一次經過見到一位外藉女士徒人繪畫出嚟，外藉女士做裝修甚少甚少見。

餐牌列出餐廳主打菜式，第一次食就從中選出幾款一試。




軟殼蟹甜椒水波蛋沙律配蜜糖芥末汁

甜椒沙律菜經蜜糖芥末汁調味，辛辣鹹中帶有少少甜味，味道很夠唔會覺得寡口。水波蛋煮得略熟少流心。軟殼蟹酥脆可口。

焦糖菠蘿風乾火腿松子仁火箭菜番茄醬披薩

很喜歡這個披薩的配搭，菠蘿與腸仔從來都係最佳拍檔，今次將腸仔升級為意大利風乾火腿，菠蘿亦升級為甜味更濃縮的焦糖菠蘿，加上松子仁的咬口及火箭菜的微苦，簡直係perfect match。薄餅屬薄批底，以意大利00中筋麵粉做麵糰，經24小時發酵，效果酥脆煙韌。

紅酒燴和牛勒肉配蜆殼粉

誠如其他食家所講，此粉份量略小，和牛肉只有四至五粒。蜆殼粉煮得頗為煙韌，肉汁較難入味。和牛肉粒肉味很濃，肉汁豐富。

海鮮意大利脆米湯飯

此脆米湯飯與中式的近似，脆米與白米混合而成。海鮮材料豐富，有大蝦、青口、蜆、魷魚、三文魚等，海鮮湯味道濃郁中帶幽香的香草味。

一頓晚餐少不了一杯香濃咖啡，Earl Grey Latte比一般Latte多了伯爵茶幽幽的佛手柑香氣，入口柔和細軟，很愜意的一杯咖啡。