坑口村驚喜日式小店

數年前友人告之坑口村乃放狗人士之聖地，因為多間食肆都設有室外坐位。坑口村都光顧過不少食肆，有中式小炒、泰菜、西餐之類，最近數月開了一間日式小店，有刺身、壽司、唐揚、串燒、一品料理提供，可謂十分多元化。襯友人入開將軍澳，一齊嘗試新店。

熊屋貫徹坑口村食店之特色，分別設有室內與室外坐位，當晚天氣突然轉涼又落雨，當然坐室內位比較穩當。

睇見隔離枱叫壽司盛，壽司上的刺身厚切又拖尾，外觀十分吸引，就叫上價錢較貴的北海之味。另外亦叫一客較便宜的刺身盛合，以及叫點串燒玉子燒等熱食。




每枱都有一壺熱蕎麥茶，有淡淡的蕎麥味，當晚喝了不少。

刺身盛合先上，有三文魚、油甘魚、甘蝦、八爪魚、吞拿魚、帶子、蟹子等七種刺身，各樣刺身都厚切很新鮮，尤其喜歡帶子，帶子一粒切半，入口肥嘟嘟的很有質感，鮮甜味於口腔爆發。三文魚及油甘魚亦口感柔軟細滑，入口甘香。

北海之味上枱時感覺很震撼，二人前份量有二十件之多，每件刺身都比飯糰大，感覺上很抵食。

有好幾款印象特別深刻，三文魚籽壽司充滿光澤，入口煙韌得來一咬即破，滲出點點甜香。

海膽壽司亦新鮮鮮味十足，海水味濃。

蟹羔醬壽司有濃濃的蟹羔味，好似將一隻蟹的蟹羔濃縮喺一件壽司中。

三文魚油甘魚及帶子厚切口感柔軟細滑。

刺身壽司過後輪到熱食。燒菠蘿及牛油粟米即燒即食，燒烤過後的蔬菜水果水份蒸發後更加清甜多汁。


黃金海膽燒赤蝦上面加了不少海膽味噌醬，味道很濃郁。

鹽燒三文魚鮫一般指近魚頭鮫位，此三文魚鮫其實屬於鰭位，無骨兼魚肉更多更嫩滑，三文魚魚油平均分佈於魚肉中，啖啖甘香。

黑松露玉子燒黑松露放於玉子面及中間，玉子燒比一般的結實，感覺冇咁漏，一小撮黑松露已經帶出幽幽的香味！