萬聖節的印度風情

萬聖節的晚上想一試異國風情，上網搜尋得知佐敦除廟街外於荗林街尚有印度餐廳。從落地玻璃地舖外見顧客多為印度人或外國人，加強了一點信心。

叫菜後餐廳即上薄脆，薄脆微暖，帶有點點香辣味。點汁有三種，綠色帶薄荷味，橙色帶辣味，最特別為帶有粒粒的醬汁，酸咪咪的，入口很開胃。

飲品比食物先上，甜酸奶味道就好似液態乳酪，甜甜酸酸可中和印度菜的辣味。

自家秘醃沙律用秘製酸辣汁醃生洋蔥、青瓜、蕃茄、紅蘿蔔，入口酸酸辣辣，很爽口開胃。

食印度菜如果冇叫印度烤雞總係覺得有點缺失，印度烤雞用上香料及乳酪醃製，再用鐵板上菜保持熱度，雞肉香料味足，既嫩滑亦熱辣，帶骨雞肉亦比無骨雞胸更香嫩可口。

瑪莎拉喺印度菜中很常見，再加入薄荷則第一次試。此菜咖喱汁為主角，蝦肉則作點綴。瑪莎拉用上多種香料，入口不太辣且帶不同香料香味，單食或用薄餅點食皆可。

烤餅叫上乾果與薯仔餡，乾果意想不到係粉紅色兼帶有甜味，入口味道似椰絲。薯仔餡餅有薄薄一層薯仔蓉在內，少少辣好惹味。

印度甜品多數好甜，不太合口味，叫了一球印式雪糕一試。印式雪糕雪得很硬身，可以切開八小件。雪糕入口有好香濃香草味及果仁碎粒，係意想不到嘅好味!