晚餐前的西班牙Tapas

根據西班牙人的飲食習慣，佢地通常喺晚上9點至11點用晚餐。因此放工後通常會飲杯酒食點小食放鬆一下。

食西班牙餐通常都係當正餐咁叫上西班牙海鮮飯或墨魚汁麵，好友提議一嗜灣仔駱克道El Cerdo西班牙小食。

El Cerdo面積不大，半開放式設計，裝修用上幾何圖案，用色鮮明。鄰近的都係英式酒吧播放著球賽，相比之下El Cerdo播著輕音樂，感覺上有格調一點。




點小食前先叫上西班牙果酒，友人不喝酒精就叫杯mocktail，是日mocktail可選擇熱情果或紅莓。



Sangria酒味不太濃可以放輕鬆飲。

El Cerdo不設加一，可以盡情叫上小食。

El Cerdo秘製橄欖有黑橄欖與青橄欖，青橄欖味道一點也不酸。秘製橄欖放上蒜片細蔥辣椒，比平日橄欖味道更加豐富，芳香濃郁。

鯷魚柳通常都係放入意粉或薄餅內，比較少獨立成一種食品。檸檬汁醃白鯷魚柳可以清楚品嚐到鯷魚的味道，薄薄一片鯷魚柳卷上蒜片辣椒同食，魚味香濃但不腥，令人印象深刻的一道小食。

Tetilla牛奶芝士味道好濃郁，配上沙沙口感的青橄欖果蓉，很特別的配搭。

鮮番茄蓉焗法包，法包一點都不似法包，似薄底薄餅多一點，番茄蓉略酸，可以多放一點新鮮番茄減輕酸度兼提鮮。

些利酒炒雜菌有不少杏仁碎，口感比例爽口。

傳統洋蔥薯仔西班牙奄列內有很多薯仔粒粒，新鮮熱辣，比較飽肚的小食。

傳統番茄醬煮肉丸，肉丸肉質鬆化，肉味好濃，配上同樣濃厚的番茄醬，很適合送酒。

今晚試了不少小食，很適合胃口小小但心多多的女士們！