婚宴試菜

好姊妹準備下年結婚，實在真心祝福佢！中式擺酒係結婚其中重要的一環，好姊妹想喺將軍澳擺酒，將軍澳酒樓雖多，但大型酒樓適合婚宴就冇幾多間，好姊妹想去心儀酒家試菜，想我幫手俾下意見。好姊妹開到口，一定唔會托手踭！

酒樓知道我地此行目的，招呼十分殷勤，建議我地試佢推薦菜式，希望我地滿意。

酒樓面積四正，裝修有大型水晶燈及巨型電視，十分適合作婚宴場地。


除婚宴外，酒樓亦有晚飯小菜，彩色相片印刷以供選擇。





 
紅梅花膠海皇燴燕窩
近年擺酒少用魚翅，燕窩同樣名貴，呢個燴燕窩口感好豐富，粒粒蟹籽好有咬口，花膠蟹肉蝦仁燕窩碎粒加上高湯，作為湯羹很有睇頭。

百里香雪花牛肋排
牛肋排起肉切片，略帶脂肪牛味濃郁，牛肋排炆得非常軟腍，入口即溶，另人回味。

紅梅沙拉帝皇蝦球
爽脆炸大蝦球配酸甜沙律醬，錯不了的配搭，上面亦加上粒粒蟹籽增加口感。

青檸蒸鮑魚
鮑魚多以果皮清蒸，用青檸係非常新奇的配搭。青檸清新酸香引出鮑魚的鮮甜味，鮑魚本身亦十分新鮮，肉質彈牙。

濃湯珍菌浸菜苗
以雞湯浸熟菇菌翡翠苗，味道鮮甜清爽，雞湯濃香少油令人忍不住喝上幾口。

好姊妹對酒樓環境菜式服務都感到滿意，讓她有多一點時間考慮，期待她好日子的來臨！