很愜意的一頓晚餐

經過一天辛勞的工作，對晚餐的要求其實好簡單，環境舒適寧靜，食物味道賣相均可。Non Kitchen位於觀塘工業大廈內，報章雜誌報導食物質素有酒店級水準，而且價錢大眾化又貼地。是夜到達，第一個感覺係好有空間感，枱與枱之間有適當距離。裝修簡單得嚟帶有工業風，牆身變成黑板，寫上推介菜式。


叫上兩個晚餐，餐包有兩款之多，蒜蓉包香脆牛油蒜蓉味濃，另一餐包暖暖的很鬆軟。

餐湯為南瓜湯，份量不少，南瓜湯加上忌廉入口幼滑濃郁。

主菜香煎新鮮挪威三文魚柳配紅菜頭泥賣相好靚，上面的白色份子泡沫味道帶咸，三文魚柳煎得皮脆肉嫩，配菜很有新意，紅菜頭泥略帶甜味，感覺好健康，沙律菜並不常見，有點似西洋菜，味道清新爽脆。

炭燒澳洲肉眼牛雖然唔係上等貨色，但肉質有咬口亦帶有焦香肉味，以158蚊一個晚餐包餐湯餐茶實屬抵食。

套餐可以半價將餐茶轉特飲，水果茶顏色味道有點似利賓納，內有水果藍莓、士多啤梨同檸檬，水果茶並冇用火坐熱，較快變凍。



餐牌寫有自家製甜品，套餐加25蚊即可享用。蘋果批配上雲呢拿雪糕，蘋果批很有驚喜，蘋果薄片香甜爽脆，批底輕薄酥脆。蘋果批很高水準，25蚊非常超值。
 
 

今次的樓上工廈餐廳帶來很大驚喜，睇嚟真的要努力發掘其他高水準低價錢餐廳！