八色小籠包以外有更多選擇

樂天皇朝以八色小籠包聞名, 之前試過其他食店的同類小籠包總覺得並不特別出色, 有機會都想試試首創八色小籠包的樂天皇朝.

樂天皇朝於雅蘭中心開設第二家分店, 既然喺公司附近吸引力自然大增, 是日放工後碰碰運氣睇吓使唔使排長龍.

到達時雖然都要輪侯但都可以接受, 等候時可以順便睇吓師傅包小籠包的過程.


一場嚟到八色小籠包必試. 另外被餐牌的標題"味道鮮美十里飄香, 暖暖的海滋味 - 黃魚篇"吸引, 都叫了一點. 據聞喇沙亦十分出名也叫了一客.

先食點前菜, 油炆荀色澤油潤, 雖然大條但入口細嫩無渣.

川味粉皮粉皮粗粗闊闊的, 沾上麻辣醬及下面的青瓜絲同食味道少少辣又滑中帶爽.

醋味海蜇頭與平日所見的海蜇不同, 一塊塊厚厚的, 入口非常爽脆, 沾點醋食少少酸味十分開胃.

麻醬手捲油麥菜, 生油麥菜用青瓜條捲好, 整整齊齊賣相很好. 點上麻醬可以除去油麥菜的草青味, 此道菜十分清新.

八色小籠包有溫馨提示點食法, 先食中間的原味再順時針方向由綠色的人參味食先, 到最後紅色的麻辣. 除原味外, 其他都不用點醋以免蓋過其味道.



我試了人參、黑松露、芝士及蒜味, 基本上豬肉味依然可以食到, 肉汁亦不多不少. 人參有淡淡人參味. 黑松露除黑松露味外, 仲食到有粒粒菇菌. 芝士同蒜味都係輕輕的, 唔會蓋過豬肉味. 原創八色小籠包果然做得出色.

喇沙材料除三隻蝦半隻蛋同豆卜外, 不見其他海鮮, 亦用上拉麵而不是用上摻摻, 感覺上唔係十分正宗, 湯底味道亦比較一般.

雪菜黃魚煨麵奶白色的湯配上細嫩厚身的黃魚塊, 果然味道鮮美有濃烈的海滋味, 比一般上海飯店嫩雞煨麵出色得多.

 

驢打滾係北京宮廷點心, 想不到樂天皇朝都有供應. 驢打滾凍食, 糯米裹入豆沙捲成螺旋狀後再滾上炒香的黃豆粉, 入口軟滑帶點甜味, 味道似冇椰絲的糯米滋, 做得不錯, 作為飯後甜品十分美滿.