Crumbs回歸

自從上年Crumbs結業後, 最近喺銅鑼灣又見到佢再次開店. 今次除咗賣主打乳酪雪糕外, 仲有烘焗製品, 賣相十分吸引.




乳酪雪糕比雪糕低脂同低卡路里, 兼有豐富益生菌, 感覺上冇咁大罪咎感, 而且又可加上不同配料.

Crumbs普通杯連兩款配料賣48蚊, 超級杯連四款配料就賣48蚊, 多10蚊就多兩款配料, 心多多的我就揀咗超級杯.

後面我果杯揀咗原味抹茶扭紋乳酪雪糕, 加配料香印提子、藍莓、士多啤梨同糯米糍, 是日仲免費送香脆碎.

原味同抹茶乳酪雪糕食味比一般軟雪糕多少少酸味, 食上一大杯唔會滯.

香印提子雖然得一粒, 不過就真係好清甜多汁. 藍莓士多啤梨份量幾多又唔酸. 糯米糍細細粒煙煙韌韌同乳酪雪糕好夾.

免費送上的香脆碎令成杯乳酪雪糕好有口感.

食完又可以繼續shopping去!