Vincent Van Gogh

每當聽到英文經典金曲Vincent頭一句歌詞"Starry Starry Night...", 不其然就會想起梵高的名畫<<星夜>>. 雖然本人畫藝不高, 但梵高的名畫畫筆鋒利強烈, 令人感覺震撼.

無意間友人提起銅鑼灣凡高廚房, 一聽到名字就已經心生好感, 想象餐廳掛上梵高名畫, 氣派高雅, 嚷著友人一定要帶我試試.

是日行完維園年宵, 就去凡高廚房安頓一下. 餐廳位於唐樓的二樓, 如果唔係有熟人帶路未必為意.

餐廳裝修氣派高雅, 有不少梵高複製畫作高掛. 侍應十分熱心介紹餐廳名菜, 我們亦細心聆聽.


據聞98%野菌忌廉湯用八種野菌先炒香後打碎, 再加2%忌廉煮成. 野菌忌廉湯入口順滑, 菇菌味道香濃, 果然係招牌菜.

兩款頭盤分別有炸芝士同煙三文魚卷. 高溫炸芝士令佢帶點軟身, 少食多滋味.

煙三文魚卷有細碎加有沙律醬的雜菜, 作為頭盤開開胃口.

牛肉眼根據餐牌所寫使用Dried Aged方式處理, 肉汁得已保存, 肉味更香濃. 牛肉眼肉質比和牛有噱口, 肉味一樣香濃, 二人共享剛剛好. 薯角比一般諗身, 薯肉比較多, 唔會太硬太熱氣.


香煎三文魚一共有三塊, 三文魚剛熟, 內裡肉質依然細嫩, 加上牛油薯蓉, 食完已經好飽.

可能主菜份量比較大, 甜品比一般的精緻. 兩款甜品都係自製, 芝士蛋糕芝士味很輕, 比較似一般蛋糕. 焦糖燉蛋上面焦糖太厚, 相比下顯得燉蛋甜味不足.