自家創作甜品

Popwalk已經開咗接近三個月, 甜品店只有樂糖一間, 平日中午時間經過總係未開門, 今次下午茶時段見到室外已經坐滿人, 只好往室內就坐.

老闆娘見我地好熱心介紹佢地主打甜品流心蛋糕同霧之花卷, 仲話係用有機花茶做, 香味比較自然清新持久. 既然沒有特別喜好, 就依照推介點選.



 
黑芝麻蛋糕內裡係豆腐花流心, 蛋糕黑芝麻味好濃郁, 好似即磨咁, 配上豆腐花的清甜一黑一白顏色上好配合. 中間饅頭脆片配豆腐慕絲口感上同流心蛋糕有強烈對比. 豆腐味雪糕配芝麻餅碎香甜軟滑中又有點口感, 一個甜品有三款食味適合心多多的香港人.


另一甜品薰衣草花卷一上枱已經聞到好香薰衣草味, 粒粒薰衣草同蛋卷一齊整食入口滿口芬芳. 香芋忌廉中有海藻珠咬落卜卜趣, 食蛋卷有口感都係第一次.


食完甜品再飲有機薰衣草茶十分完滿.

樂糖屬自家創作甜品, 誠意可加. 下次可以再試試其他甜品.