觀塘的二月天

駿業街平日晚上好多人放工, 人流都幾多, 附近晚膳可以選擇熟食中心的小菜邊爐, 亦可以選擇酒吧餐廳飲番杯. 今次我地走上中海日升中心二樓比較寧靜用膳.

February餐廳舖位不大, 加上彩色吊燈影照下, 有一種溫暖的感覺.


可以選擇主菜或麵飯加錢轉套餐. 聞到隔離枱的龍蝦湯頗為吸引, 再加錢轉龍蝦湯同白松露野菌湯.


龍蝦忌廉湯有好香龍蝦湯味, 亦有粒粒龍蝦肉.

白松露忌廉野菌湯好香松露味道加上大量野菌碎, 飲完滿口都係松露味.

西班牙黑毛豬鞍架件頭大肉質爽口, 近骨位豬味略為不足, 蕃茄菠蘿沙沙酸酸地可以點新鮮熱辣薯條食, 旁邊的沙律菜都有用少少黑醋汁調味.

欖油蒜片蟹肉天使麵蟹肉已經拆碎, 蒜片帶點焦香味, 喜愛濃厚蒜頭味應該都會喜歡此道菜.

餐茶咖啡賣相不錯, 以一般標準, 味道是可以的.

餐廳消費比同區略高, 可以偶然一嘗滿足口福.