平民價墨西哥菜

一向只知荔枝角有平衫賣, 唔知原來都有好多樓上工廈餐廳, 睇介紹與友人摸上億利工業中心食墨西哥菜.

Picoso面積不多, 頗為擠迫, 最好就係免加一收費.


牆身貼上食物相片, 餐牌又有中英對照, 唔怕唔識叫菜.
 
大蝦芒果沙律有四大隻燒香大蝦, 再加上香甜芒果塊、雜椒、沙律菜同青檸紅蕃茄醬, 酸甜香辣樣樣齊, 呢個暖沙律確係幾特別.
 
炸蟹餅內有大量蟹肉絲, 伴上洋蔥碎、青椒、香草等, 如果新鮮炸起一定更加美味.
 
墨西哥薄餅用麵粉皮做, 本身味淡, 但內有芝士同洋蔥碎, 再加上雜菇, 已經非常惹味, 上面再淋上牛油果醬碎蕃茄酸忌廉, 味道十分濃烈, 多食幾件感覺有點漏. 此個菜式多人分享比較合適.
 
地道辣椒燴牛肉味道令人想起從前的哈迪斯牛仔飯, 微辣牛肉加上濃香蕃茄與墨西哥豆非常惹味, 送飯或玉米片都很匹配.

四百元內可以食到四款菜式, 可算是平民價一嘗墨西哥菜.