處處驚喜的工廈意菜

觀塘工廠大廈西餐都食過好幾間, 估唔到太古都有. 友人住太古城, 話帶我去太古城中心以外餐廳.

搭電梯上去時好靜局, 估唔到Age Cuisine差不多全場滿座, 有好多家庭客.

晚餐選擇不多兼且全部都係扒類, 結果散叫小食意粉薄餅分嚟食.

見到餐牌上的黑椒吞拿魚及黑松露西瓜伴雜菜沙律已經好好奇, 西瓜同黑松露一清淡一濃郁完全唔同點可以一齊食? 結果上枱時見到黑松露醬淋在西瓜上, 一放入口發覺原來西瓜同黑松露都match, 先先會食到黑松露獨特幽香味, 再之後就係西瓜清甜味, 味道十分過癮. 黑椒吞拿魚同雜菜沙律淋上黑醋同食酸酸的很開胃.

美式Cajun辣脆雞翼新鮮炸脆肉質嫩滑, 不過味道唔係好食到辣味.

燒法國帶子配自家製墨魚汁扁意粉, 墨魚汁再加上墨魚扁意粉, 墨魚汁獨特海鮮味非常入味, 食時要小心一點以免整到衣服嘴巴牙齒墨汁咁黑. 帶子半生熟肉質鮮甜嫩滑.

蘑菇風乾火腿薄餅薄底香脆, 蘑菇風乾火腿再加上黑松露醬令到此薄餅咸香惹味.

叫上兩杯咖啡作為餐飲, 咖啡味道近似炭燒咖啡, 好奇之下望望杯身及小碟原來係Movenpick咖啡, 十分驚喜. Movenpick原來有出咖啡, 味道亦唔錯.

友人同我對今餐都非常滿意, 期待友人下次再帶我試其他隱世餐廳.