專注做好鐵板燒

之前見過部分食店既做鐵板燒又做壽司刺身, 感覺上兩種食品做法南轅北轍好難兼顧, 專注做好一種已經好難得.

是日好姊妹想食鐵板燒, 而午餐又比晚餐經濟實惠啲, 幾經選擇下揀咗心鐵板燒.

由於去到時間尚早, 食店剛剛開門, 我地可以獨覽維港景色.



特別值得一提食店好細心, 佢幫我地掛好外套放入柜內, 又幫我地著上圍裙, 每一個細節都顯視對客人的關注.

午市套餐比較實惠, 我地揀咗比較貴少少嘅鐵板燒自選套餐.

先食蟹肉沙律清清味蕾.

跟著鐵板燒師傅上埸, 只見師傅好專注做每一道菜. 北海道帶子分開裙邊同帶子本身分別煮. 煮完放回帶子殼內加沙律醬再用火槍燒. 帶子肉嫩滑又帶少少酸甜味道.

黑毛和牛先烘白麵包再放燒好和牛粒喺面. 白麵包既可食用亦可只作吸油用. 和牛油花分佈平均, 放入口油脂才慢慢沁出. 碟邊放有岩鹽同芥末點食用.

炒飯用上日式醃蘿蔔粒比例特別, 飯粒炒得乾身, 粒粒分明, 喺鐵板上好似會跳舞咁彈起. 麵豉湯亦比一般味道更濃郁.

海鹽雪糕帶有好少好少咸味作為飯後甜品消消熱氣.