Live music與美食兼備

Amplifier Restaurant西餐廳雖然以live music為主題，但同時亦享有高質西式菜式如威靈頓牛柳、斧頭扒、生蠔等，可以邊享美食，邊聽不同時代中西流行歌曲。

臨近聖誕，餐廳亦有聖誕佈置，增添氣氛。餐廳坐位很闊絡，於旺角區是難得的舒適。





意粉意大利飯主食類可以加50蚊轉為套餐，包括餐湯、甜品及餐茶。

[法式鴨肝醬]

餐廳的頭盤很特別，特意另外叫上法式鴨肝醬。鴨肝醬外型製造成啤梨形狀，十分別緻。鴨肝醬不像鵝肝醬那樣含有大量脂肪，但搽在麵包上亦猶如牛油般的，入口柔滑細膩，肝味不濃，容易接受。

[甘荀忌廉湯]



甘荀湯既熱且濃，加上忌廉入口順滑。法包片搽上滿滿的牛油蒜蓉，蒜香四溢，香濃可口。

[燴和牛臉意大利飯]

和牛臉膠質豐富，脂肪很少，牛臉燴得很腍滑，入口即溶但又不會一叉即散。和牛臉以紅酒香草香料燴煮，配菜如紅蘿蔔都非常入味。意大利飯香濃幼滑，蘑菇片增加香氣及口慼，飯粒吸收牛肉汁後味道更佳。

甜品賣相很驚喜，以不同款式生果裝飾，配以三款醬汁，味道有點像木糠布甸但外型像芝士蛋糕，甜味很輕，食味輕盈。

此餐以清新帶酸的檸檬水作為完美結束。