由元朗闖出旺角的西餐小店

早兩年已聽聞友人稱元朗小店JC Room的首創紫薯意大利飯，原來小店已靜悄悄於食店林立的廣華街開了分店。JC Room晚餐除了吃意大利飯外，尚有意粉、薄餅、漢堡包、扒類等。

餐廳燈光略暗，有點似酒吧餐廳的格局。小店面積不大，眼見只有兩名店員，幸好兩名店員很勤快亦面帶笑容，對餐牌上的食品亦很熟悉。

晚餐點選了豬鞍扒及墨魚汁意粉。餐湯或沙律二選其一，餐湯可選擇野菌湯或煙肉青豆蓉湯。煙肉青豆蓉湯較少見，可以喝到啖啖青豆蓉，很真材實料。

餐包有兩款，有切成片狀亦有條狀，點上特色麵包醬，伴着麵包食味道不錯。

香烤加拿大有機豬鞍扒

店員建議豬鞍扒叫八成熟味道最佳，豬鞍切開內裡肉質依然粉嫩，入口味道濃郁爽口。豬鞍扒份量頗大，兩人分享食用較佳。

薯菜可以選擇薯條、薯蓉或焗薯，一見到有喜歡的焗薯立即點選。酸忌廉入口幼滑豐滿，焗薯薯肉粉腍香甜，酸忌廉與焗薯實在是絕配。

海鮮墨魚汁意粉

海鮮用白酒煮過，可以食出有點點酒味。墨汁意粉用白汁煮開，意粉味鮮入口彈牙。

提拉米素伴鮮野莓

晚餐加25蚊可揀選tiramisu或焦糖燉蛋。提拉米素伴鮮野莓比一般的較為挺身但亦口感輕柔，朱古力味亦較濃。

鮮奶抹茶

加12蚊可轉升級特飲，鮮奶抹茶抹茶味道香濃幼滑不太甜又有拉花，如此價錢實在超值。