窮遊米蘭

意大利米蘭乃時裝之都，去就未去過，亦未有好大意欲想去。銅鑼灣利園開咗Panino Giusto，係米蘭老字號三文治店，依香港人的思路，食咗等如去咗，咁一於窮遊米蘭，一嘗老店三文治。

假日的利園頗為寧靜，與相隔不遠希慎廣場有好大反差，實在意想不到，不過優閒寧靜反而合個人性格。

Panino Giusto光潔明亮，分室內同室外座位，室外感覺猶如後花園一樣，室內面向落地玻璃有一排吧枱位，同樣可以欣賞室外景緻。



 
 
三文治老店當然要一嘗餐廳名用上的panini。Diplomatico主要材料為prague ham與edamer，味道輕柔幼滑，與烘得脆口的panini一剛一柔。

Tartufo用上parma ham配alba白松露油，未入口已聞到幽香的松露油味，parma ham比較咸香但同樣幼滑，配上brie清柔中帶點微酸、火箭菜的辛辣，不愧為餐廳的王牌產品。

意大利最具代表性的著名甜品Tiramisu乃自家製，味道很傳統，質地細滑柔軟，口感輕，味道較淡且帶微甜，可可粉份量適中，不會太多嗆喉。

Cappuccino伴上70%濃度朱古力塊，細緻的奶泡讓咖啡口感更為滑順。

 

喺Panino Giusto用餐真的猶如去上一趟意大利米蘭。