赤蝦最強

兆萬有好幾層都係做日式放題, 樓下派紙好激烈, 好彩今次有友人帶路去大本瀛食放題, 唔使傷腦筋.

食放題梗係先叫盤刺身, 佢種類選擇同一般同一價位差不多, 不過蝦刺身都有甜蝦赤蝦兩種. 赤蝦比甜蝦體型大一倍, 食味拍得著牡丹蝦, 爽中帶綿滑. 三文魚鱆紅魚帶子厚切, 食落鮮味有咬口. 希靈魚肉質咸實魚子爽口.

壽司比較喜歡海膽玻璃蝦同黑松露油甘魚, 少少海膽黑松露已經能夠提升鮮味, 不過壽司飯水準不一, 飯粒有時過硬有時過軟.



熱食有豉椒炒蜆, 豉椒汁好冶味, 洋蔥辣椒爽口帶辣.



燒雞翼帶有孜然味.



燒蝦應該都係用赤蝦, 不過熟食肉質唔夠爽口, 做刺身比較好食.



炸物吉烈蠔唔會太乾又有蠔味.



燒菠蘿略燒清甜多汁.



埋單時有牛奶布甸同木糠布甸贈送, 唔會好甜又滑溜.