IT人眼中的Press Enter

第一次知道Press Enter餐廳時, 感覺很好奇, 以為係IT人開的餐廳, 雖然最後都唔知是與否, 不過從餐牌得知店主認為一切空想都係徒然, 只有付諸實行才可成功!

作為一個IT人, 我很少為意Press Enter, 因為在程式中好少為Enter作特別指令. 而一般文書工作, Press Enter好自然, 完全唔會為意, 通常只會為意Ctrl+X, Ctrl+C同Ctrl+V用來改文件.
無論如何, 餐廳名稱已經成功吸引我嘅注意力. 作為一個大角咀老街坊, 大全街一向都有唔少新食店試業, 個人偏好西餐小店, 願意入內一試.





晚餐時段有set dinner, 就叫上意粉加牛扒share食, 另加餐廳推介的手工卷物.



先送上餐湯, 餐湯應該係南瓜忌廉湯, 味道有點似罐頭湯, 不過不失.



青口意大利粉伴龍蝦汁, 青口係貴價藍青口, 鮮嫩無渣, 意粉煮得不錯, 煙韌彈牙, 伴汁龍蝦汁味道較淡亦較少.



火山石燒澳洲M6和牛頭刀扒扒味十足, 外面燒得焦香, 餐廳建議五成熟, 如果超過肉質會太韌, 果然如是. 伴菜新薯翠肉瓜青瓜絲食味清新.



手工野菌墨汁意大利燴飯釀魷魚筒用上細魷魚筒, 肉質較薄, 如果採用大隻魷魚應該較厚肉彈牙.



餐茶提供柚子茶生薑茶或果茶比較特別. 凍蜜桃紅茶蜜桃甜味同紅茶好平衡, 很好喝.